Upphaflega átti Juno aðeins að rannsaka Júpíter en síðan var ákveðið að framlengja verkefni geimfarsins og láta það rannsaka tungl Júpíters. Óhætt er að segja að geimfarið hafi gert áhugaverðar uppgötvanir í þessu nýja verkefni sínu. Sú nýjasta er að yfirborð Io er þakið hrauntjörnum.
Notast var við Jovian Infrared Auroral Mapper (JIRAM) myndavélina, sem er á vegum ítölsku geimferðastofnunarinnar, sem var upphafalega notuð til að horfa í gegnum skýin á Júpíter. JIRAM hefur tekið innrauðar myndir af hrauntjörnunum á yfirborði Io og sjást heitar hrauntjarnir umlykja kaldari svæði.
Hitinn í hrauntjörnunum er á bilinu 232 til 732 gráður en nánasta umhverfi er öllu kaldara eða 45 gráður í mínus.
