Eigur hans nema nú 18.000 milljörðum norskra króna en það svarar til um 234.000 milljarða íslenskra króna. Hefur verðmæti hans aldrei verið meira.
E24 skýrir frá þessu auk annarra norskra fjölmiðla.
Það er aðallega hærra hlutabréfaverð sem hefur knúið vöxt sjóðsins að undanförnu. Í janúar var verðmæti hans 16.000 milljarðar norskra króna, svo vöxturinn verður að teljast ágætur á hálfu ári.
Sjóðurinn er stærsti einstaki eigandi hlutabréfa, sem eru skráð á hlutabréfamörkuðum, í heiminum. Hann var stofnaður á tíunda áratugnum til að annast fjárfestingar á tekjum Norðmanna af gas- og olíuvinnslu.