fbpx
Sunnudagur 21.júlí 2024
Pressan

Sex ástæður þess að köttum finnst best að sofa til fóta

Ragna Gestsdóttir
Laugardaginn 22. júní 2024 22:00

Ekki missa af Helstu tíðindum dagsins í pósthólfið þitt

Lesa nánar

Sagan segir að kettir fari sínar eigin leiðir og eigandi sé frekar þjónn hans en húsbóndi. Þeir sem eiga kött vita þó hversu miklar kelurófur þeir eru. Köttum finnst líka gott að kúra til fóta hjá eiganda sínum. 

Margar ástæður eru fyrir því að köttur velja þann stað, en þó fyrst og fremst vegna þess að þar finnst þeir öruggir og þægilegt að liggja, segja stöllurnar Kate Luse sérfræðingur í hegðun katta og Nicole Savageau dýralæknir í grein á vef Mörthu Stewart.

Öryggi

Öryggi er aðalástæðan fyrir því að kettir sofa við enda rúmsins. „Við hugsum oft um ketti sem rándýr sem veiða lítil dýr eins og nagdýr og fugla,“ segir Luse. „En kettir eru líka bráð fyrir aðrar tegundir eins og ránfugla, sléttuúlfa og refi. Þess vegna hafa kettir þróast til að forgangsraða því að finna örugga svefnstaði.“

Rúmbríkin býður upp á hærri útsýnisstað, sem gerir köttum kleift að skoða herbergið vegna hugsanlegra rándýra. Svefnstaðurinn gæti einnig fært þeim beina sjónlínu á hurðina og þar með flóttaleið.

Óhindrað rými

Þó að kettir geti verið mjög ástúðlegir, þá vilja þeir líka sitt persónulega rými. „Að sofa við enda rúmsins tryggir að mannlegur félagi þeirra er ólíklegri til að trufla eða ganga inn á persónulegt rými þeirra á meðan þeir hvíla sig,“ segir Savageau. „Kettir meta sjálfstæði sitt og kjósa kannski að sofa á stað þar sem hreyfingar eða nærvera eiganda þeirra truflar ekki svefn þeirra.“

Hitastig

Önnur ástæða fyrir því að kötturinn þinn gæti valið að sofa við fætur þína er vegna hlýjunnar. „Kettir leita að hlýjum og notalegum stöðum til að sofa og fætur eiganda þeirra geta veitt einmitt það,“ segir Savageau. „Fætur gefa oft frá sér hita og köttum getur fundist hlýjan hughreystandi og róandi.“

Ef kötturinn þinn sefur við brún rúmsins, en fjarri fótum þínum, er líklegt að hann sé að leita að svalari stað til að hvíla sig á. „Kettir munu finna staði sem gera þeim kleift að viðhalda ákjósanlegum líkamshita til að sofa,“ segir Luse.

Mannleg tengsl

Hvar sem kötturinn þinn velur sér svefnstað vill hann þó líka halda tengslum við eiganda sinn. „Köttum finnst öruggt að vera nálægt fólki sem þeir eru tengdir við,“ segir Luse.„ Fyrir suma ketti þýðir það að kúra í fanginu á eiganda sínum eða kúra á brjóstkassa þeirra á nóttunni – en fyrir marga aðra er slík snerting yfirþyrmandi.“ Að sofa við fætur þína býður upp á þægilegan stað fyrir köttinn sem er nálægt eiganda sínum, en heldur samt ákveðinni fjarlægð. 

Lykt af þér

Rúmið þitt lyktar eins og þú, líkt og fleiri staðir á heimilinu. „Rúmið þitt er notalegt fyrir köttinn þinn, hvort sem hann sefur við höfuð þitt , einhvers staðar í miðjunni eða við fætur þína, vegna þess að hann finnur lyktina af þér“ segir Luse. Þar sem kettir treysta á lyktarskynið til að greina vini frá óvinum og meta umhverfi sitt, segir lyktin af þér kettinum þínum að hann sé á öruggum stað til að hvíla sig á. 

Taka tillit til eiganda þeirra

Kettir eru mjög greind dýr sem hafa hæfileika til að meta þægindi eiganda síns og stilla hegðun sína í samræmi við það. „Með því að velja að sofa við enda rúmsins gætu þeir verið að reyna að forðast að trufla svefn eiganda síns,“ segir Savageau. „Kettir geta verið tillitssamir á sinn kattarlega hátt og geta valið stað sem heldur þeim nálægt en dregur úr líkum á að vekja eiganda sinn á nóttunni.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 5 dögum

Eftirsóttur, eftirlýstur, alræmdur – Piparsveinninn loksins í fangelsi eftir að hafa sloppið fimm sinnum með skrekkinn

Eftirsóttur, eftirlýstur, alræmdur – Piparsveinninn loksins í fangelsi eftir að hafa sloppið fimm sinnum með skrekkinn
Pressan
Fyrir 5 dögum

Loftslagsbreytingar hafa áhrif á tímann samkvæmt nýrri rannsókn – „Þetta er vitnisburður um alvarleika loftslagsbreytinga“

Loftslagsbreytingar hafa áhrif á tímann samkvæmt nýrri rannsókn – „Þetta er vitnisburður um alvarleika loftslagsbreytinga“
Pressan
Fyrir 1 viku

Neanderdalsmenn önnuðust 6 ára þroskaheft barn

Neanderdalsmenn önnuðust 6 ára þroskaheft barn
Pressan
Fyrir 1 viku

600 ára gamall texti líkist vel þekktum texta frá síðari tímum

600 ára gamall texti líkist vel þekktum texta frá síðari tímum