DV fjallaði um mál þeirra í morgun en fyrrverandi kærasti Baird, lögreglumaðurinn Beau Lamarre-Condon, er grunaður um að hafa myrt þá.
Jesse og Luke hurfu í síðustu viku við dularfullar kringumstæður. Blóð fannst á heimili Jesse í Laddington, úthverfi Sydney, og á föstudag gaf Beau sig fram við lögreglu. Hann vildi hins vegar ekki segja frá því hvar hann hefði komið líkunum fyrir.
Hann virðist hafa gefið sig að lokum því lögregla fann líkamsleifar tveggja manna snemma í morgun að íslenskum tíma. Fundust líkin á afskekktum stað við bæinn Bungonia, um 200 kílómetrum suður af Sydney, og hafði verið reynt að fela þau, meðal annars með grjóti og öðru lauslegu.
Beau situr í gæsluvarðhaldi vegna málsins en hann gerðist lögreglumaður árið 2019 eftir að hafa starfað sem bloggari þar áður. Talið er að hann hafi notað lögregluskammbyssu sína við ódæðið.
