Fjölskyldan ákvað að flytja til Bandaríkjanna, Norður-Karólínu nánar tiltekið, í júní 2022 og hefja þar nýtt líf ásamt ungum syni sínum, Yevhenii Segen og Tetienu Novitnia, móður Anastasiu.
Systir Anastasiu, Anna Wiebe, og eiginmaður hennar, Ryan, voru þegar búsett í Norður-Karólínu og gátu þau veitt fjölskyldunni góðan stuðning í nýju landi.
Hörmungar dundu yfir fjölskylduna í september síðastliðnum þegar fellibylurinn Helena gekk yfir í Suðurríkin og olli miklum flóðum, einkum í Norður-Karólínu.
Anastasia og Dmytro fundust látin þann 14. október síðastliðinn en Yevhenni, 13 ára, og amma hans, Tetiana, eru talin af eftir að flóð hrifsaði með sér hjólhýsi fjölskyldunnar.
Anna og Ryan og tvö börn þeirra komust lífs af og hugðust þau reyna að koma fjölskyldunni til bjargar. Þegar þau komu að staðnum þar sem heimilið var blasti ekkert við nema eitthvað sem líktist stóru stöðuvatni.
Segen-hjónin fundust sem fyrr segir látin þann 14. Október síðastliðinn en leit að Yevhenni og Tetiönu hefur engan árangur borið. „Leitarhóparnir telja að þau séu grafin undir aur og leðju, á svo miklu dýpi að hundarnir finna þau ekki einu sinni. Við vitum ekki hvort þau muni fannst,“ segir Ricky Wiebe, bróðir Ryans, í viðtali við People.
