The Hollywood Reporter skýrir frá þessu.
Renner er meðal annars þekktur fyrir hlutverk sitt sem Hawkey í ofurhetjumyndum Marvel.
The Hollywood Reporter hefur eftir talsmanni Renner að hann sé alvarlega slasaður en ástand hans sé stöðugt. Sagði talsmaðurinn að hann hafi slasast þegar hann var við snjómokstur.
Ekki kemur fram hvar slysið átti sér stað en bandarískir fjölmiðlar segja að Renner eigi hús í Nevada, á svæði þar sem snjóstormur herjaði nýlega.
Renner hefur tvisvar verið tilnefndur til Óskarsverðlauna. Það var fyrir aðalhlutverkið í The Hurt Locker og fyrir aukahlutverk í The Town.
