Fjölskylda í Birmingham í Bretlandi getur þakkað frekjukasti átta ára stúlku líf sitt eftir að hús þeirra sprakk í loft upp í gær. Sprenging af völdum gaslega í annarri íbúð hússins varð til þess að annar íbúinn lést en hinn liggur alvarlega slasaður á sjúkrahúsi. 

Undir venjulegum kringumstæðum hefði Nadinu Foster verið að koma börnum sínum tveimur, Kenayah, átta ára, og Ja’nae, sex ára, í háttinn á þeim tíma sem sprengingin varð. Þau voru aftur á móti ókomin heim frá móður Nadine og ömmu barnanna þar sem Kenayah hafði harðneitað að fara í skó þegar huga átti að heimferð.   

Amman hafði boðið Nadine og börnunum í kvöldmat og fljótlega eftir hugðist Nadine heim með börnin til að koma þeim snemma í rúmið enda skóladagur framundan. 

Kenayah henti sér aftur á móti öskrandi í gólfið og harðneitaði að klæða sig í skóna. Það tók Nadinue þó nokkurn tíma að tala telpuna til en töfin varð þeim til lífs. 

Nágrannar heyrðu gríðarlega sprengingu. Einum nágrannanna tókst að draga mikið slasaðan einstakling frá húsinu en fljótlega breiddist út mikill eldur og ekki var unnt að bjarga konu hans. Húsið er tvíbýli og bjó Foster fjölskyldan í hinni íbúðinni sem nú er óíbúðarhæf.

,,Við misstum allt nema fötin utan af okkur. En við erum á lífi og það er það eina sem máli skiptir,” sagði Nadine Foster í samtali við fjölmiðla á dag. Móðir hennar bætti því við að hún liti á það sem ekkert minna en kraftaverk að barnabarn hennar hefði neitað að fara heim. Herbergi telpnanna er rétt við rýmið þar sem sprengingin varð og líklegt að þær mæðgur hefði farist hefðu þær verið heima líkt og venjulega. 

 Nadine og börnunum hafa nú fengið vist á hóteli þar til unnt er að finna þeim varanlegra húsnæði.