Algjörlega óháð því hvað við gerum þá mun Grænlandsjökull bráðna með þeim afleiðingum að yfirborð heimshafanna mun hækka um 27 cm. Ef allt fer á versta veg mun yfirborð heimshafanna hækka enn meira. Þetta segja sérfræðingar.

The Guardian skýrir frá þessu og segir að Grænlandsjökull muni bráðna eða 110 milljarðar tonna af ís. Vatnið rennur til sjávar og mun hækka yfirborð þeirra um 27 cm.

Þetta eru niðurstöður nýrrar rannsóknar sem hefur verið birt í vísindaritinu Nature Climate Change. Í rannsókninni kemur fram að ef öll losun CO2 út í andrúmsloftið verði stöðvuð í dag þá muni það engu breyta, ísinn mun halda áfram að bráðna.

Jason Box, prófessor við dönsku og grænlensku jarðfræðistofnunina GEUS, og einn af aðalhöfundum rannsóknarinnar segir að 27 cm hækkun sjávarborðs sé mjög varfærið mat, algjört lágmark. Þessi tala geti tvöfaldast á þessari öld.

27 cm byggjast á áhrifum hnattrænnar hlýnunar fram að þessu og vegna þess að vísindamennirnir tóku ekki með í reikninginn hvernig ísinn bráðnar í útjaðri jökulsins.