Þann 7. september 1979 fór Lesia Michell Jackson í sundferð að vatni einu í Texas með fjölskyldu sinni og vinum. Hún hvarf skyndilega. Daginn eftir fundust gleraugu hennar og nokkrum dögum síðar lík hennar. Hún hafði verið myrt en áður hafði henni verið nauðgað.

Lögreglan hafði ekki upp á morðingja hennar en gafst ekki upp og hefur haft málið til rannsóknar í þau tæpu 43 ár sem eru liðin frá því að Lesia var myrt.

Nú hefur henni loksins tekist að leysa málið en það var gert með nýrri DNA-tækni sem gerði henni kleift að rannsaka erfðaefni sem fannst á lík Lesia. Niðurstöðurnar voru sendar til alríkislögreglunnar FBI sem gerði leit í gagnagrunni sínum.

Upp kom nafn Gerald Dwight Casey. Í síðustu viku var síðan staðfest endanlega að erfðaefnið væri úr honum en þá lauk rannsókn á blóðsýni úr honum sem var í vörslu FBI.

Ekki verður hægt að ákæra Casey né rétta yfir honum þar sem hann var tekinn af lífi 2002 fyrir annað morð.