Stofnunin tilkynnti nýlega að hún ætli að setja óháða rannsóknarnefnd á laggirnar til að rannsaka mál tengd fljúgandi furðuhlutum, það er að segja mál sem ekki hefur tekist að finna neinar skýringar á.
Stofnunin segir að nefndin eigi að kanna hversu mikið af upplýsingum um mál af þessu tagi eru aðgengilegar og hvaða vitneskju þurfi að afla til að finna skýringar á þessum máli. Teymið mun einnig skoða hvernig er best að nota allar þessar upplýsingar í framtíðinni.
Thomas Zurbuchen, yfirmaður vísindamála hjá NASA, sagði stofnunina vita að með þessu muni hið hefðbundna vísindasamfélag telja NASA vera að taka skref niður á við með því að hella sér út í hið umdeilda efni sem fljúgandi furðuhlutir eru. En hann sagðist vera því ósammála, stofnunin sé ekki hrædd við að takast á við ný og umdeild verkefni. Hann sagði það staðfasta trú NASA að aðaláskorunin á þessu sviði sé að það skorti gögn.
Verkefnið hefst í haust og á að standa yfir í níu mánuði. Það verður algjörlega opið því ekki verður notast við leynileg gögn eða upplýsingar frá hernum.
The Guardian segir að David Spergel, forseti Simons Foundation sem vinnur að framgangi vísindarannsókna, muni stýra verkefninu.
