Faraldur lifrarbólgu A hefur brotist út í Bandaríkjunum og Kanada og hefur faraldurinn verið tengdur við lífrænt ræktuð jarðarber. Lyfjastofnun og heilbrigðisstofnun Bandaríkjanna auk tveggja kanadískra stofnanna eru að rannsaka tvö vörumerki, FreshKampo og HEB. Jarðarberin þeirra voru seld í margvíslegum verslunum í Bandaríkjunum svo sem Aldi, HEB, Kroger, Safeway, Sprouts Farmers, Trader Joe’s, Walmart, Weis Markets og WinCo Foods, samkvæmt USA Today.
Jarðarberin sem grunuð eru um að bera ábyrgð á faraldrinum seldust á milli 5. mars og 25. apríl þannig þau eru ekki lengur á hillunni. Neytendum sem gætu haft fryst berin til notkunar seinna meir hefur verið sagt að fleygja þeim.
„Ef þú ert ekki viss um hvers konar jarðarber þú keyptir skaltu fleygja þeim,“ segir FDA, lyfjaeftirlit Bandaríkjanna í yfirlýsingu.
Tilfelli lifrarbólgu A tengd faraldrinum hafa verið tilkynnt í Kaliforníu, Minnesota, Norður-Dakóta og Kanada, samkvæmt ABC News. Að minnsta kosti 17 tilfelli veikinda hafa verið tilkynnt í Bandaríkjunum hingað til, 12 þeirra þurftu innlögn á sjúkrahús. Þau höfðu öll keypt jarðarber áður en þau veiktust.
Einkenni lifrarbólgu A sem getur leitt til alvarlegs lifrarsjúkdóms, og í sjaldgæfum tilfellum, dauða eru meðal annars þreyta, ógleði, uppkast, magapína, gula, dökkt þvag og fölar hægðir.
Flest tilfelli eru mild og lagast innan tveggja vikna. Þau geta hins vegar orðið langvarandi og varið hátt í tvo mánuði. Sjúkdómurinn, sem hægt er að fyrirbyggja með bólusetningu, getur dreifst í gegnum matvæli ef smitaður aðili meðhöndlar þau án þess að gæta hreinlætis, samkvæmt Wall Street Journal.
