Í nýrri skýrslu frá loftslagsnefndar SÞ, IPCC, kemur fram að það muni hafa „hörmulegar“ afleiðingar fyrir eyþjóðir í Kyrrahafi ef meðalhitinn á jörðinn hækkar um meira en 1,5 gráður. Það gæti orðið til þess að heilu eyjunar muni hverfa undir sæ á þessari öld að mati íbúa á svæðinu.

The Guardian skýrir frá þessu. Kyrrahafið hefur lengi verið í sviðsljósinu vegna loftslagsbreytinganna vegna þess hversu háar öldur myndast þar, vegna hitabeltisstorma og vegna þess hversu lágt yfir sjávarborð sumar eyjur þar rísa.

Í skýrslu IPCC kemur fram að draga þurfi úr losun gróðurhúsalofttegunda um helming ef takast á að halda hnattrænni hlýnun undir 1,5 gráðum eins og kveðið er á um í Parísarsáttmálanum. Ákvæðið var sett inn í Parísarsáttmálann eftir harða baráttu Kyrrahafsþjóða fyrir því.

Satyendra Prasad, fastafulltrúi Fiji hjá SÞ sagði í samtali við The Guardian að skýrslan væri dökk og spárnar í henni verri en búist var við. Í henni séu dregnar fram nokkrar þeirra hörmulegu sviðsmynda sem íbúar Kyrrahafsins hafi hugsað um í tengslum við hækkandi sjávarborð og að lágt liggjandi landsvæði muni fara undir sjó. Hugsanlega muni heilu löndin hverfa undir sjó á þessari öld.