Nýlega lést Ziona Chana 76 ára að aldri. Hann var forystumaður trúarsöfnuðar eins í Mizoram á Indlandi en söfnuður þessi stundar fjölkvæni. Hann átti líklega stærstu fjölskyldu heims en hann átti 38 eiginkonur, 89 börn og 36 barnabörn.

Eins og nærri má geta þarf svona stór fjölskylda ansi mikinn mat í hverja máltíð en í venjulegan kvöldmat fóru 30 kjúklingar, 60 kíló af kartöflum og 100 kíló af hrísgrjónum að sögn DPA.

Trúarsöfnuðurinn er frekar fámennur en um 2.000 manns eru í honum.

Fjölkvæni er ekki leyfilegt á Indlandi en þó má gera undantekningar í ákveðnum tilfellum.