Danska ríkisútvarpið, DR, skýrir frá þessu. Peter Qvortrup Geisling, læknir og sérfræðingur DR í heilbrigðismálum, sagði að í fyrsta sinn værum við með bóluefni gegn krabbameini og það sé mikið framfaraskref. „Hugsið ykkur að nú erum við með bóluefni gegn krabbameini,“ sagði hann.
Susanne Krüger Kjær, sem gerði rannsóknina, sagði aðspurð að bóluefnið sé fyrsta bóluefnið sem læknar krabbamein. „Án HPV-sýkinga er ekkert leghálskrabbamein. Þess vegna hefur verið veðjað á þetta bóluefni því það er svo ótrúlega sterk tenging á milli HPV-sýkinga og leghálskrabbameins,“ sagði hún.
Rannsóknin náði til 900.000 danskra kvenna á aldrinum 17 til 30 ára. 40% þeirra voru bólusettar áður en þær urðu 17 ára. niðurstöðurnar sýna að bóluefnið veitir 86% vernd ef bólusett er fyrir 17 ára aldur. Ef bólusett er á milli 17 og 19 ára aldurs veitir það 68% vernd.
