Jákvæð teikn eru á lofti um að bólusetningar gegn kórónuveirunni, sem veldur COVID-19, í Bretlandi séu farnar að skila árangri. Nú hafa Bretar unnið hörðum höndum að bólusetningum í tvo og hálfan mánuð og nú eru þeir farnir að sjá fyrstu merki þess að bólusetningarnar virki.

Nadhim Zahawi, ráðherra bólusetningamála, segir að nú séu farin að sjást merki um að útbreiðsla veirunnar sé orðin takmörkuð. „Maður getur sagt að gögnin líti vel út,“ sagði hann í samtali við Sky News.

Nú hafa rúmlega 17 milljónir Breta fengið fyrri skammtinn af bóluefnunum en um 66 milljónir búa í landinu. Í heildina hefur því um þriðjungur landsmanna fengið fyrri skammtinn.