Fjögur börn létust og nokkur eru alvarlega slösuð eftir að þau hröpuðu úr 10 metra hæð til jarðar þegar hoppukastali fauk upp í loftið. Þetta gerðist við Hillcrest grunnskólann í Devonport á Tasmaníu í Ástralíu.

Tilkynning um slysið barst um klukkan 10 í dag að staðartíma. Debbie Williams, talskona lögreglunnar, sagði að aðkoman á vettvang hafi verið skelfileg. „Því miður þá get ég staðfest að tvö börn eru látin,“ sagði hún að sögn The Guardian.

Nokkrar þyrlur voru notaðar til að flytja börn á sjúkrahús og fjöldi sjúkraflutningamanna og lögreglumanna var á vettvangi.

Skólanum var lokað eftir slysið og hann verður einnig lokaður á morgun.

Skólinn var að fagna lokum skólaársins og því hafði hoppukastala verið komið fyrir á lóð hans.

Scott Morrison, forsætisráðherra, sagði slysið vera skelfilegt.

Uppfært klukkan 05.50

Tala látinna hefur verið verið uppfærð en nú hefur verið staðfest að fjögur börn eru látin.