Luce Letby, 31 árs hjúkrunarfræðingur, kom fyrir rétt í Manchester á mánudaginn þar sem mál ákæruvaldsins gegn henni var þingfest. Hún er ákærð fyrir að hafa í starfi sínu á fyrirburadeild Countess of Chester sjúkrahússins myrt 8 nýbura og reynt að myrða 10 til viðbótar.

Notast var við fjarfundabúnað en Letby er í gæsluvarðhaldi í HMP Peterborough fangelsinu. Ákæran er í 18 liðum, einn liður fyrir hvert morð eða morðtilraun. 18 sinnum sagðist Letby vera saklaus.

Sky News segir að hún sé talin hafa myrt fimm drengi og þrjár stúlkur. Að auki er hún grunuð um að hafa reynt að myrða fimm drengi og fimm stúlkur. Þetta gerðist á tímabilinu frá júní 2015 fram í júní 2016.

Reiknað er með að aðalmeðferð málsins fari fram í október á næsta ári.