Maður um tvítugt var skotinn í Helsingborg í Svíþjóð í nótt. Lögreglunni var tilkynnt um skothvelli skömmu eftir klukkan 1 í nótt og fundu lögreglumenn manninn alvarlega særðan við undirgöng  í borginni. Nokkrum mínútum síðar sprakk sprengja í miðborginni.

Aftonbladet segir að maðurinn hafi verið skotinn mörgum skotum og sé hann í lífshættu.

Nokkrum mínútum eftir að tilkynnt var um skothvellina sprakk sprengja í Bruksgata í miðborginni. Töluvert eignatjón varð á byggingunni sem sprengjunni hafði verið komið fyrir við en enginn slasaðist.

Lögreglan veit ekki hvort tengsl eru á milli málanna en hefur unnið að rannsókn þeirra í alla nótt.