Þann 30. júlí síðastliðinn tilkynntu ættingjar hinnar sjötugu Lynn Gay Keene að hennar væri saknað. Þeir höfðu síðast heyrt frá henni þann 14. júní. Lögreglan hóf þegar rannsókn á málinu og rannsakaði meðal annars heimili Keene Norður-Karólínu í Bandaríkjunum. Í fyrstu fannst ekkert grunsamlegt þar og það var ekki fyrr en lögreglan fann bíl hennar, 2000 Lincoln Town, yfirgefinn um 160 km frá heimili hennar að rannsóknin tók nýja stefnu. Ástæðan er að í skottinu voru tveir pokar af sementi.
Sky News segir að eftir að bíllinn fann hafi lögreglan ákveðið að rannsaka heimili Keene betur. Þá fundust líkamsleifar hennar í steypu í kjallaranum.
Krufning leiddi í ljós að þetta var lík hennar og að hún hefði verið myrt.
Lögreglan lýsti því eftir Elisbeth Carserino, 53 ára, sem ættingjar Keene höfðu ráðið henni til aðstoðar. Carserino var handtekin á laugardaginn og úrskurðuð í gæsluvarðhald.
