Aftonbladet hefur eftir talsmanni lögreglunnar að það sé ekki venjulegt að látið fólk finnist utandyra og að þar að auki hafi maðurinn fundist á mjög fáförnum stað.
Maðurinn fannst um 30 metra frá vegi, inni í skógarþykkni. Tilkynnt var um líkfundinn á fjórða tímanum í gær.
Enginn hefur verið handtekinn vegna málsins en lögreglan er nú að ræða við íbúa á svæðinu í þeirri von að þeir geti varpað ljósi á málið.
