Mario Draghi, forsætisráðherra Ítalíu, segir að ríkisstjórnin muni herða aðgerðir sínar við að bólusetja þjóðina á næstunni til að koma henni út úr kórónuvandanum. Ítalía varð á mánudaginn sjöunda lands heims til að fara í þann hóp landa sem 100.000 eða fleiri hafa látist af völdum veirunnar.

Draghi sagði að verkefni alls stjórnkerfisins sé að vernda líf Ítala með öllum hugsanlegum aðferðum og tryggja að hægt verði að snúa aftur til eðlilegs lífs sem fyrst. „Sérhvert líf telur,“ sagði hann.

Eins og staðan er núna þá fer ástandið versnandi í landinu og smitum fjölgar. En Draghi sagði að samt sem áður væri tilefni til bjartsýni. „Heimsfaraldrinum er ekki enn lokið en með því að hraða bólusetningaáætlunum er ekki svo mikið eftir,“ sagði hann.