Yfirvöld í Suður-Kóreu hyggjast bólusetja fólk, eldra en 65 ára, með bóluefninu frá AstraZeneca en yfirvöld víða um heim hafa farið aðra leið og heimila ekki að fólk í þessum aldurshópi fái þetta bóluefni.

Kim Gang-lip, aðstoðarheilbrigðisráðherra, tilkynnti þetta á fréttamannafundi á miðvikudaginn. Hann lagði áherslu á að yfirvöld myndu stíga mjög varlega til jarðar í þessum efnum og að ákveðnar línur hafi verið lagðar varðandi notkun bóluefnisins á fólk eldra en 65 ára.

Bóluefnið frá AstraZeneca verður fyrsta bóluefnið gegn kórónuveirunni sem yfirvöld í Suður-Kóreu heimila notkun á.