Hann sagði af sér litla fingur 2014 þegar hann var að vinna við sög í bílskúrnum sínum. Það vakti ákveðnar grunsemdir að á árunum fyrir slysið keypti maðurinn sér 17 slysatryggingar. Hann er ákærður fyrir að hafa sagað fingurinn af sér í því skyni að fá tryggingabætur greiddar. Um verulegar fjárhæðir er að ræða því ef örorka hans er metin 100% á hann rétt á um 33 milljónum danskra króna í bætur en það svarar til um 695 milljóna íslenskra króna.
Samkvæmt frétt Nordjyske Stiftstidende þá neitar maðurinn sök og segist hafa keypt svona margar tryggingar af því að hann óttaðist að slasast. „Faðir minn slasaðist einnig og það hafði mikil áhrif á mig á æskuárum mínum. Ég var á barnageðdeild af því að ég átti svo erfitt með að takast á við þetta. Ég hræðist slys,“ sagði hann fyrir dómi.
Skömmu eftir slysið 2014 reyndi maðurinn að innheimta tryggingabætur en aðeins eitt félag greiddi honum bætur en þær voru upp á 65.000 danskar krónur en það svarar til tæplega 1,4 milljóna íslenskra króna. Hin 16 félögin neituðu að greiða honum bætur og í staðinn fyrir að fá peninga fór áhugi lögreglunnar að beinast að honum.
