Bandaríski flugvélaframleiðandinn Boeing þarf að greiða 2,5 milljarða til bandarískra yfirvalda vegna tveggja flugslysa, 2018 og 2019, þar sem rúmlega 300 manns létust. Það voru hinar umtöluðu Boeing 737 MAX vélar sem fórust í slysunum tveimur.
Fyrirtækið hefur gert sátt við bandaríska dómsmálaráðuneytið um greiðsluna að því er segir í tilkynningu frá ráðuneytinu.
346 létust í slysunum tveimur. Notkun 737 MAX vélanna var bönnuð í mars 2019 og það var ekki fyrr en í nóvember á síðasta ári sem þær fengu flugleyfi í Bandaríkjunum eftir að breytingar höfðu verið gerðar á stjórnkerfi þeirra.
