Þann 26. júlí fannst Kamdyn Cavett Arnold, tveggja ára, aleinn og berfættur á bílastæði í Miramar í Flórída. Hann var aðeins í stuttermabol og með bleiu. Móðir hans var hvergi nærri og hefur ekki fundist síðan Kamdy fannst. Hún heitir Leila Cavett og er 21 árs. Fjölskylda hennar óttast að henni hafi verið rænt.

WTVJ skýrir frá þessu. Faðir hennar, Curtis Cavett, sagði í samtali við WTVJ að hann óttist að Leila hafi verið rænt af manni sem hún komst í samband við í gegnum samfélagsmiðla. Cutis sagðist hafa skoðað samfélagsmiðlasíður Leila og komist að því að hún hafi ætlað að hitta mann sem hún hafði skrifast á við.

„Þetta stendur á Facebooksíðunni hennar. Ég hitti lögregluna til að kanna hvort við getum komist inn í skilaboðin hennar á Facebook.“

Bíll Leila fannst síðar við eina af verslunum Walmart í Flórída. Ekkert fannst í bílnum sem hefur fært lögregluna nær því að upplýsa málið.