Bild skýrir frá þessu. Þetta kom í ljós þann 15. júní þegar lögreglumenn mættu með húsleitarheimild að húsi í útjaðri bæjarins. Íbúinn, 65 ára karlmaður, varð því að hleypa þeim inn. Í svefnherbergi á fyrstu hæð fundu lögreglumennirnir lík móður hans og var það uppþornað og eins og múmía að sögn. Hún var 89 ára þegar hún lést.
Maðurinn sagði lögreglumönnunum að hún hefði látist fyrir fimm árum. Lögreglan hafði fengið ábendingu frá nágrönnum um að eitthvað væri athugvert á heimilinu. Fyrir fimm árum fékk lögreglan tölvupóst frá áhyggjufullum nágranna sem undraðist að konan sæist ekki lengur á almannafæri.
Sonurinn sagði fólki að hún væri rúmliggjandi en tilkynnandinn efaðist um það.
Ekki er talið að andlátið hafi borið að með saknæmum hætti en lögreglan rannsakar hvort maðurinn hafi ekki tilkynnt andlátið til að geta fengi ellilífeyri móður sinnar.
