fbpx
Mánudagur 15.september 2025
Pressan

Obama gagnrýnir viðbrögð bandarískra stjórnvalda við heimsfaraldrinum

Kristján Kristjánsson
Mánudaginn 18. maí 2020 08:00

Barack Obama. Mynd:Getty Images

Ekki missa af Helstu tíðindum dagsins í pósthólfið þitt

Lesa nánar

Barack Obama, fyrrum Bandaríkjaforseti, hefur látið lítið fyrir sér fara á stjórnmálasviðinu síðan hann lét af völdum og Donald Trump tók við forsetembættinu í janúar 2017. Hefð er fyrir því í Bandaríkjunum að fyrrum forsetar blandi sér ekki í stjórnmálaumræðuna en Obama virðist vera að rjúfa þá hefð. Nýlega gagnrýndi hann Trump harðlega fyrir viðbrögð ríkisstjórnar hans við heimsfaraldri kórónuveiru og sagði þau vera algjöra hörmung og á laugardaginn lét hann aftur heyra í sér.

Í beinni útsendingu, sem var ætluð bandarískum mennta- og háskólum, aðallega svörtum nemendum, gagnrýndi Obama viðbrögð bandarískra stjórnvalda við heimsfaraldrinum. Í tveggja tíma útsendingu sagði Obama meðal annars að margir embættismenn vissu einfaldlega ekki hvað þeir væru að gera.

„Margir þeirra þykjast ekki bera ábyrgð.“

Sagði hann meðal annars en nefndi engin nöfn.

CNN sjónvarpsstöðin, sem er gagnrýnin á Trump og störf hans, segir að ummæli Obama séu harðasta gagnrýnin sem hann hefur beint að Trump í tengslum við heimsfaraldurinn.

Obama sagði einnig að faraldurinn hafi varpað skýru ljósi á ójöfnuð þann sem ríkir á milli kynþátta í Bandaríkjunum.

„Sjúkdómur sem þessi varpar ljósi á undirliggjandi ójöfnuð og auka byrðar sem samfélag svartra hefur þurft að glíma við í gegnum söguna í Bandaríkjunum.“

Sagði Obama í útsendingunni sem var sýnd á YouTube, Facebook og Twitter.

Ummæli hans eru vísbending um að hann ætli að taka virkan þátt í kosningabaráttunni fyrir forsetakosningarnar sem fara fram í byrjun nóvember. Hann sagði námsmönnunum einmitt að hann ætli „að eyða eins miklum tíma og hann geti í kosningabaráttu“ Joe Biden.

Trump hefur ekki tekið gagnrýni Obama vel og hefur gripið til þeirra aðgerða sem hann virðist hrifnastur af, að ráðast beint að fólki en hann hefur látið tístum rigna á Twitter að undanförnu þar sem hann veitist að Obama með einum eða öðrum hætti.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Telja að myndbandsræða Trump hafi verið búin til af gervigreind

Telja að myndbandsræða Trump hafi verið búin til af gervigreind
Pressan
Fyrir 2 dögum

Fékk ekki hlutverkið sem hann sóttist eftir – Leikstjórinn vildi ekki „Luke Skywalker“

Fékk ekki hlutverkið sem hann sóttist eftir – Leikstjórinn vildi ekki „Luke Skywalker“
Pressan
Fyrir 3 dögum

Morðið á Charlie Kirk: Telja sig hafa borið kennsl á sakborning

Morðið á Charlie Kirk: Telja sig hafa borið kennsl á sakborning
Pressan
Fyrir 3 dögum

Myrti börnin sín – Líkin fundust fjórum árum síðar í ferðatöskum keyptum á netuppboði

Myrti börnin sín – Líkin fundust fjórum árum síðar í ferðatöskum keyptum á netuppboði
Pressan
Fyrir 4 dögum

Er þetta maðurinn sem skaut Charlie?

Er þetta maðurinn sem skaut Charlie?
Pressan
Fyrir 4 dögum

Nýbirt skjöl varpa ljósi á ástæður þess að hann sviðsetti eigið andlát

Nýbirt skjöl varpa ljósi á ástæður þess að hann sviðsetti eigið andlát
Pressan
Fyrir 5 dögum

Á yfir höfði sér allt að sex ára fangelsi eftir að hún skráði hundinn sinn á kjörskrá

Á yfir höfði sér allt að sex ára fangelsi eftir að hún skráði hundinn sinn á kjörskrá
Pressan
Fyrir 5 dögum

Trump brjálaður út í Ísrael eftir árásina í gær – „Ég er ekki ánægður“

Trump brjálaður út í Ísrael eftir árásina í gær – „Ég er ekki ánægður“