Það var Waqf, múslimska stofnunin sem rekur moskuna, sem gaf út tilskipun um þetta að sögn Sheikh Omar al-Kisswani forstjóra moskunnar. Moskan er þriðji heilagasti staður múslima.
Nokkur hundruð manns mættu til bæna í byggingum tengdum moskunni á föstudaginn eftir að henni sjálfri hafði verið lokað af Waqf vegna COVID-19 faraldursins. Venjulega mæta um 30.000 manns til föstudagsbæna í moskunni.
Nú mega aðeins starfsmenn moskunnar biðja þar og það verða þeir að gera utan við hana. Það eru jórdönsk yfirvöld sem fara með stjórn moskunnar og þar með Waqf og tengdra bygginga. The Guardian skýrir frá þessu.
