Málið hófst með að árvökull borgari tilkynnti lögreglunni að Ungverjinn væri að afrita myndir af nöktum börnum frá upptökumyndavél sinni yfir á tölvu. Þetta var hann að gera þar sem hann sat við borð á Hostel Jørgensen í Kaupmannahöfn. Lögreglumenn hittu tilkynnandann við hótelið og benti hann þeim á Ungverjann í gegnum glugga. Lögreglumennirnir fóru inn og gáfu sig á tal við manninn og tóku tölvuna strax af honum svo hann gæti ekki eytt því sem á henni var. Hún var tengd við upptökuvél og einnig fundu lögreglumennirnir minnislykil í fórum mannsins. Hann innihélt mikið magn af myndum af körlum og börnum frá sex ára aldri og upp úr. Allar voru þessar myndir teknar í búningsklefa, bæði var um nýjar og eldri myndir að ræða.
Fyrir dómi kom fram að maðurinn kom til Danmerkur á miðvikudagsmorgun og fór nánast rakleiðis í sundlaugina til að taka upp í búningsklefanum. Miðað við myndefnið telur lögreglan að markmið mannsins hafi verið að taka nektarmyndir af drengjum á aldrinum 5 til 15 ára.
