fbpx
Mánudagur 20.október 2025
Pressan

Myrti hann Stine? Hrottalegt morð fyrir 30 árum

Kristján Kristjánsson
Sunnudaginn 20. desember 2020 20:00

Stine Geisler. Skjáskot/TV2

Ekki missa af Helstu tíðindum dagsins í pósthólfið þitt

Lesa nánar

Eitt af umtöluðustu óupplýstu morðmálum Danmerkur er morðið á Stine Geisler sem var myrt á hrottalegan hátt fyrir 30 árum. Hún var aðeins 18 ára. Í nýrri heimildarmyndaþáttaröð Discovery er fjallað um morðið og varpað ljósi á hver gæti hafa myrt Stine.

Stine, sem var menntaskólanemi, var dregin niður í kjallara við heimili sitt í Teglgårdsstræde í Kaupmannahöfn. Þar var hún bundin á höndum með rafmagnssnúru sem var einnig sett utan um háls hennar. Hún kafnaði þegar morðinginn tróð tveimur þvottapokum ofan í háls hennar.

Hún var einnig skorin í andlitið og vaxi var hellt yfir hana. Eftir að hún lést var undarlegt merki rist á hægri handlegg hennar.

Í þáttaröðinni „Hvem dræpte Stine Geisler?“ (Hver myrti Stine Geisler?) er farið ofan í kjölinn á málinu og reynt að komast að hver myrti hana. Í þáttunum er rætt við nokkra menn sem voru eitt sinn grunaðir í málinu en voru hreinsaðir af öllum grun. En rannsókn þáttagerðarmannanna leiddi þá á slóð manns sem grunur hefur aldrei áður fallið á. Sá gengur undir heitinu „hjólaskautamaðurinn“ og hefur að sögn margoft sagt við fyrrum unnustu sína, vini og kunningja að hann eigi eiginlega að vera í fangelsi fyrir að hafa myrt Stine. Það að hann hafi ekki verið dæmdur fyrir morðið er að sögn vegna þess að stjúpfaðir hans veitti honum fjarvistarsönnun. Þetta kemur fram í fréttatilkynningu frá Discovery Networks.

Þegar þáttagerðarmaðurinn Jeppe Facius ræddi við manninn neitaði hann sök og sagði að lögreglan gæti bara komið og rætt við sig. Þáttagerðarmennirnir telja að lögreglan eigi að skoða málið út frá því sem þeir komust að og fá lífsýni úr „hjólaskautamanninum“ til að bera saman við lífsýni sem fundust á vettvangi.

Lögreglan hefur sagt að morðinginn sé „sadisti og öfuguggi sem njóti þess að misþyrma og niðurlægja konur“.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Einhverfur drengur lærði að tala eftir að hann fékk lyf fyrir krabbameinssjúka – Reyndist hafa ýmislegt að segja

Einhverfur drengur lærði að tala eftir að hann fékk lyf fyrir krabbameinssjúka – Reyndist hafa ýmislegt að segja
Pressan
Fyrir 2 dögum

Reiðilestur uppgjafahermanns vekur athygli – „Ég vissi alltaf að það yrðu fjandans dekurdýrin sem myndu fella þjóð okkar“

Reiðilestur uppgjafahermanns vekur athygli – „Ég vissi alltaf að það yrðu fjandans dekurdýrin sem myndu fella þjóð okkar“
Pressan
Fyrir 3 dögum

Lögregla búin að gefast upp og hættir leitinni að Gus litla

Lögregla búin að gefast upp og hættir leitinni að Gus litla
Pressan
Fyrir 3 dögum

Ríkisstjóri vann 170 milljónir í spilavíti í Las Vegas – „Ég var ótrúlega heppinn“

Ríkisstjóri vann 170 milljónir í spilavíti í Las Vegas – „Ég var ótrúlega heppinn“
Pressan
Fyrir 5 dögum

Mæðgur dóu eftir að hafa borðað afmælistertu – Lögregla vill handtaka manninn sem afhenti tertuna

Mæðgur dóu eftir að hafa borðað afmælistertu – Lögregla vill handtaka manninn sem afhenti tertuna
Pressan
Fyrir 5 dögum

Tekinn af lífi eftir 20 ár á dauðadeild – Hélt fram sakleysi sínu allt til síðasta dags

Tekinn af lífi eftir 20 ár á dauðadeild – Hélt fram sakleysi sínu allt til síðasta dags