Sky News skýrir frá þessu. Fram kemur að Zahawi telji það réttu leiðina að hafa valfrjálst hvort fólk lætur bólusetja sig gegn veirunni. „Fólki verður leyft að ráða hvort það vill láta bólusetja sig eða ekki. En ég held að þau sterku skilaboð sem við munum sjá séu að þetta sé leiðin til að þjóðin geti snúið aftur til fyrri hátta. Það er gott fyrir fjölskyldu þína, það er gott fyrir samfélagið og það er gott fyrir landið þitt að láta bólusetja sig,“ sagði hann.
Hann staðfesti að ríkisstjórnin væri að skoða hvort gefa eigi út sérstök „ónæmisvegabréf“ svo fólk geti sannað að það hafi verið bólusett.
BBC hefur eftir honum að hann telji líklegt að veitingastaðir, barir og kvikmyndahús og aðrir staðir muni líklega fara fram á að sjá „ónæmisvegabréf“ til að fá staðfestingu á að fólk hafi verið bólusett.
Þegar hann var spurður hvort þeir, sem ekki láta bólusetja sig, megi eiga von á að upplifa hömlur í hinu daglega lífi sagði hann: „Ég held að fólk verði að taka ákvörðun. En ég held að líklega muni margir þjónustuaðilar vilja notast við þetta eins og smitappið.“
