Fyrr í mánuðinum hvarf Holly Courtier, 38 ára, þegar hún var í gönguferð í Zion þjóðgarðinum í Utah í Bandaríkjunum. Mikil leit var gerð að henni og bar hún árangur á sunnudaginn þegar Courtier fannst heil á húfi. Það voru gestir í þjóðgarðinum sem sáu til hennar og gerðu leitarmönnum viðvart.

People skýrir frá þessu. Í tilkynningu frá fjölskyldu hennar segir að fjölskyldan ráði sér varla af gleði yfir að hún hafi fundist á lífi. Leitarmönnum var þakkað fyrir að hafa lagt nótt við dag í leit að henni.

Courtier týndist þann 6. október. Síðast sást til ferða hennar við bifreiðastæði í þjóðgarðinum þegar hún fór út úr rútu þar. Ekki er vitað hvernig henni tókst að halda sér á lífi allan þennan tíma.