Það hefur orðið „gríðarleg“ aukning á náttúruhamförum á síðustu 20 árum og það er vegna loftslagsbreytinganna segja Sameinuðu þjóðirnar. Vísindamenn segja að stjórnmálamenn og stjórnendur í atvinnu- og viðskiptalífinu hafi brugðist og hafi ekki gripið til nauðsynlegra aðgerða til að draga úr áhrifum loftslagsbreytinganna og koma þannig í veg fyrir að jörðin okkar breytist í „óbyggilegt helvíti fyrir milljónir manna“.

CNN skýrir frá þessu. Fram kemur að frá 2000 til 2019 hafi verið 7.348 meiriháttar náttúruhamfarir, þar á meðal jarðskjálftar, fellibyljir og flóðbylgjur, sem hafi orðið 1,23 milljónum manna að bana. Haft áhrif á 4,2 milljarða og haft gríðarleg neikvæð áhrif á efnahagskerfi heimsins. Á árunum 1980 til 1999 voru 4.212 náttúruhamfarir.

Þær náttúruhamfarir sem eru taldar með eru þær sem verða 10 eða fleiri að bana, hafa áhrif á 100 eða fleiri, neyðarástandi er lýst yfir eða beðið er um alþjóðlega aðstoð.

Flestar þessarar hamfara tengdust loftslaginu, til dæmis flóð, óveður, þurrkar, hitabylgjur, fellibyljir og gróðureldra.