Dómurinn féll í Durham-sýslu á Englandi en hótanirnar byrjuðu fyrir alvöru þegar Hazell missti vinnuna. Þar sem hann var atvinnulaus og húsnæðislaus fékk hann að búa hjá móður sinni og stjúpföður, en óhætt er að segja að sambúðin hafi ekki gengið vel.
Fyrir dómi kom fram að hann hafi meðal annars heimtað peninga frá móður sinni. Þegar hann fékk ekki það sem hann bað um trylltist hann og hafði í alvarlegum ofbeldishótunum.
Í eitt skiptið fengu foreldrar hans nóg af honum og vísuðu honum á dyr. Hazell var þó kominn aftur inn á heimilið skömmu síðar eftir að hafa einmitt haft í hótunum. Í eitt skiptið beitti hann móður sína líkamlegu ofbeldi, en þá hrinti hann henni í stól og hrækti á hana. Þá otaði hann skrúfjárni að hálsi móður sinnar og stjúpföður. Þá tók hann stjúpföður sinn hálstaki, sló hann utan undir og hellti bjór yfir hann.
Hazell var handsamaður af lögreglu eftir að móðir hans hringdi eftir aðstoð. Hann reyndi að vísu að flýja á bifreið sinni en lögregla veitti honum eftirför og náði að stöðva för hans. Hann var einnig dæmdur fyrir ofsaakstur en í eftirförinni ók hann á 160 kílómetra hraða.
Dómurinn er óskilorðsbundinn og til 39 mánaða. Eftir að hann lýkur afplánun tekur við tólf mánaða tímabil án ökuréttinda.
