Hinir gríðarlegu skógareldar á vesturströnd Bandaríkjanna eru enn stjórnlausir. Bandaríska veðurstofan, The US National Weather Service, hefur gefið út „rauða viðvörun“ vegna sterkra vinda yfir vesturströndinni en þeir geta gert ástandið enn verra en hingað til.

Veðurstofan segir að vindur, í norðurhluta vesturstrandarinnar í Oregon, auk mikils hita og þurrka hafi valdið því hversu öflugir skógareldarnir eru þessar vikurnar. Auk Oregon glíma íbúar í Washington og Kaliforníu við skógarelda.

Á laugardaginn var loftið rakara en það hefur verið um langa hríð en í gær breyttist það aftur og varð þurrt og fylgdu vindhviður sem mældust allt að 60 km/klst. BBC skýrir frá þessu. Segir miðillinn að tugir þúsunda hafi þurft að yfirgefa heimili sín og að 33 hafi látist í eldunum.

NPR hefur eftir embættismanni almannavarna í Oregon að ríkið þurfi að undirbúa sig undir „fjöldadauðsföll“