Leit mexíkósku lögreglunnar að tveggja og hálfs árs gömlum dreng, sem hvarf frá markaði í suðurhluta Mexíkó fyrir þremur vikum, leiddi lögregluna að húsi í bænum San Cristobal. Þar fundu lögreglumenn 23 börn sem var haldið þar föngnum og neydd til að selja skartgripi á götum bæjarins.

Þrjú barnanna voru á aldrinum 3 til 20 mánaða. Saksóknarar segja að flest barnanna séu á aldrinum 3 til 15 ára.

Börnin voru send út til að selja skartgripi og máttu ekki snúa aftur fyrr en þau höfðu selt fyrir ákveðið lágmark ef þau vildu fá eitthvað að borða.  Mörg barnanna báru þess merki að vera vannærð og þau sögðust hafa verið beitt ofbeldi ef þau hlýddu ekki.

Þrjár konur voru handteknar vegna málsins og eiga ákærur fyrir mannrán og nauðungarvinnu yfir höfði sér.

Drengurinn sem leitin beindist að í upphafi er enn ófundinn.