Í síðustu viku birtist risastór eldhnöttur á himninum yfir Pilbara í norðvesturhluta Ástralíu. Vísindamenn vita ekki með vissu hvað var hér á ferð eða hvaðan eldhnötturinn kom.

Samkvæmt frétt ABC News þá er það eina sem vísindamenn eru sammála um að ekki var um neitt af mannavöldum að ræða né gervihnött sem hrapaði inn í gufuhvolfið og brann upp.

LOOK UP: Green fireball seen streaking across the night sky in Australia's remote Pilbara region. https://t.co/ilxELisKYE pic.twitter.com/tBYTQoS3cF

— ABC News (@ABC) June 15, 2020

Eldhnötturinn sást allt frá Cape Lambert til Hope Downs í Pilbara. Einnig bárust tilkynningar um dularfullt ljós frá fólki í Northern Territory og South Australia. Lýstu sjónarvottar  þessu sem sérstöku ljósi sem skildi eftir sig slóð á himninum.

Þrátt fyrir að vita ekki með vissu hvað þetta var þá segja vísindamenn að fólk geti haldið ró sinni því þetta hafi ekki verið geimverur í innrásarhug, þetta hafi verið náttúrulegt fyrirbæri en óvíst sé hvers kyns það hafi verið.