Amazon netverslunin hvetur núverandi starfsfólki sínu að hætta störfum og stofna eigin fyrirtæki og býður því 10.000 dollara fyrir ef það gerir þetta. Sú kvöð fylgir þessu þó að nýja fyrirtækið þarf að vera sendingarfyrirtæki sem sér um flutning og afhendingu á pökkum.

Auk 10.000 dollarana mun Amazon greiða starfsfólkinu þriggja mánaða laun. CNBC skýrir frá þessu.

Tilboðið er auðvitað ekki bara byggt á hagsmunum starfsfólksins því Amazon hefur mikla og stöðuga þörf fyrir nýjar leiðir til að koma vörum sínum til viðskiptavina.

Fyrirtækið stofnaði fyrirtækið Delivery Service Partners á síðasta ári en það gengur út á að fá óháða flutningsaðila til að merkja ökutæki sín með merki Amazon. Í fréttatilkynningu frá Amazon kemur fram að síðan Delivery Service Partners var stofnað hafi það átt þátt í stofnun rúmlega 200 nýrra fyrirtækja sem hafa síðan ráðið mörg þúsund manns í vinnu við að sendast með pakka frá Amazon.