Í september rak fimmtánda fótinn á land og hefur lögreglan biðlað til almennings um aðstoð við að bera kennsl á hann. DNA-rannsóknir hafa ekki skilað neinni svörum og því veit lögreglan ekki af hverjum fóturinn er. Hann var í ljósgráum Nike Free RN íþróttaskó af stærðinni 42,5. British Columbias Coroners Service segir að greining á beinauppbyggingu fótarins bendi til að hinn látni hafi verið undir fimmtugu.
Af þeim fimmtán fótum sem hefur rekið á land hefur tekist að bera kennsl á tíu en fimm eru enn ráðgáta. Auk þess er það enn algjör ráðgáta af hverju fótunum hefur skolað á land í Bresku Kólumbíu og af hverju ekkert lát virðist vera á því.
ABC News hefur eftir talsmanni lögreglunnar að það sé verkefni hennar að finna út af hverjum fæturnir eru, hvernig þeir létust og hvenær. Í þessum málum hafi það verið forgangsverkefni að bera kennsl á hina látnu til að hægt væri að upplýsa fjölskyldur þeirra um örlög þeirra.
Þrátt fyrir að lögreglan viti ekki með fullri vissu hvað hefur orðið fólkinu að bana eða af hverju fætur þess hefur rekið á land í fylkinu þá leggur hún áherslu á að ekkert bendi til að eitthvað glæpsamlegt hafi átt sér stað.
