Ávaxtalistaverk eftir Maurizio Cattelan seldist á sem svarar til 15 milljóna íslenskra króna á listasýningu í Miami í vikunni. Listaverkið er frekar einfalt í sjálfu sér, banani sem er límdur með límbandi á vegg.

CNN segir að Cattelan sýni nú verk sín á alþjóðalistasýningunni Art Basel í Miami.

Í raun er um þrjár útgáfur af listaverkinu „Comedian“ að ræða og hér er ekki um brandara að ræða að sögn Emmanuel Perrotti, listaverkasala.

Ónefnd frönsk kona keypti fyrsta bananann á 120.000 dollara en það svarar til um 15 milljóna íslenskra króna. Því næst var annar banani límdur á vegginn og seldist hann einnig á sama verði. Þriðji bananinn er nú á veggnum og er falur fyrir 150.000 dollara sem svarar til um 18 milljóna íslenskra króna.

Perrotti segir að bananinn sé „tákn um alþjóðaviðskipti og sé tvíræður en um leið klassísk uppspretta húmors“.

Cattelan hafði áður spreytt sig á að hjúpa banana með bronsi en dag einn sló þeirri hugsun niður í huga hans að „stundum sé banani bara banani“.

Maurizio Cattelan is taping bananas to a wall at @ArtBasel Miami Beach, and people are going bananas. @galerieperrotin has already sold two for $120,000 each: https://t.co/iRMazK4zsd pic.twitter.com/qAj53BhcF2

— Artnet (@artnet) December 4, 2019