Kínverska geimfarið Chang‘e-4 lenti á bakhlið tunglsins í gærkvöldi að sögn kínverskra fjölmiðla. Með þessu ætla Kínverjar að láta að sér kveða í geimferðasögunni en þetta er í fyrsta sinn sem geimfari er lent á bakhlið tunglsins, hliðinni sem snýr alltaf frá jörðu. Geimfarið á að gera ýmsar rannsóknir og rannsaka ósnerta og órannsakaða bakhliðina. Þetta er hluti af verkefni sem Kínverjar hafa unnið að árum saman.

Kínverskir sérfræðingar ræða um að senda menn til tunglsins á þessu ári eða því næsta og taka geimstöð í gagnið á sama tíma.

Eitt af markmiðunum með tungllendingunni er að sýna að Kína sé land þar sem mikill hagvöxtur er og að tæknileg sérfræðikunnátta sé á háu stigi. Þetta á að sýna að kommúnistaflokknum hafi tekist að koma landinu út úr fátækt og til velmegunar.

Bakhlið tunglsins hefur aldrei verið rannsökuðu en lítill hópur bandarískra geimfara hefur barið hana augum en þeir sáu hana þegar geimför þeirra voru á braut um tunglið.