Lækna og heilbrigðisyfirvöld í Wisconsin grunar því að rafretturnar hafi valdið tjóni á lungum unglinganna. Science News skýrir frá þessu.
Í umfjöllun Danska ríkisútvarpsins (DR) um málið er haft eftir Charlotta Holm Pisinger, prófessor í tóbaksforvörnum við Kaupmannahafnarháskóla, að hún skilji vel grun lækna og yfirvalda í Wisconsin. Þegar unglingar, með heilbrigð lungu, fá svona alvarleg lungnaeinkenni og það eina sem þeir eigi sameiginlegt sé að hafa reykt rafrettur sé ástæða til að hafa áhyggjur. Hún benti jafnframt á að þetta mál standi ekki eitt og sér því tilraunir með frumur, dýr og fólk bendi til að lungun verði fyrir tjóni af völdum rafetta. Það eina sem vanti nú séu stórar rannsóknir þar sem notendum rafretta sé fylgt árum saman og heilsufar þeirra rannsakað en væntanlega séu mörg ár í að niðurstöður slíkra rannsókna liggi fyrir.