Þegar hin 29 ára Tess Scorrar kom að bíl sínum nýlega við Nudgee ströndina í Brisbane í Ástralíu var búið að festa miða undir rúðuþurrkurnar. Á honum voru ansi undarleg skilaboð sem henni fundust vægast sagt hræðileg.

„Hæ, mér finnst þú mjög aðlaðandi!!! Ef þú hefur áhuga er ég til í að borga þér reiðufé fyrir nærbuxurnar þínar. Ég mun þá hitta þig í vegkantinum á leiðinn í bæinn. Aktu bara út í kant og ég mun finna þig.“

Stóð á miðanum. Tess skýrði frá þessu á Facebooksíðu sinni.

Hún segir að sér finnist það mjög truflandi að hugsa til þess að einhver hafi verið að fylgjast með henni og varar aðra við.

„Ég var bara fjarri bílnum í 20 til 30 mínútur. Um leið og ég kom aftur að honum tók ég eftir pappír sem stóð undan rúðuþurrkunum. Ég hélt að ég hefði fengið sekt eða að einhver hefði ekið á bílinn minn og skilið eftir miða. En þegar ég las miðann bauð mér við textanum. Þessu átti ég ekki von á. Ég fór heim og las hann aftur og aftur og áttaði mig á hversu viðbjóðslegur hann var.“