Sextíu og átta ára gömul kona hefur verið ákærð fyrir að hafa orðið 91 árs gömlum manni að bana í Los Angeles, BNA. Konan er sökuð um að hafa ekið á manninn og flúið af vettvangi án þess að huga að manninum. Lést hann af áverkum sínum.
Hinn látni heitir Gennary Bolotsky og lifði hann af helför gyðinga í síðari heimstyrjöldinni. Hann er upprunalega frá Úkraínu og tókst honum að flýja landið eftir að nasistar höfðu hertekið það og komast til Bandaríkjanna, þar sem hann bjó æ síðan. Eftirlifandi börn Bolotsky segja hann að hann hefði hæglega getað náð meira en 100 ára aldri enda hafi hann haft meiri orku en margir sem eru helmingi yngri.
Bolotsky var á göngu með hundinn sinn og fór yfir á merktri göngubraut en konan ók á hann á pallbíl. Lést hann af áverkum sínum.
Konan sem sökuð er um að hafa ekið á Bolotsky heitir Joyce Bernann McKinney. Ákæran er manndráp með ökutæki. Hún gæti fengið 11 ára fangelsi en réttarhöld í málinu standa nú yfir.
