Hún var að leika við hundana þegar leikurinn varð skyndilega að alvöru. Hún var bitin í handlegg og blæddi mikið úr sárinu.
„Þetta breyttist úr að þau virtust vera að leika yfir í að þeir byrjuðu að éta hana lifandi.“
Sagði Amber Green, nágranni hennar en það var hún sem hringdi í neyðarlínuna. Hún og fleiri nágrannar heyrðu hávaða og læti frá garði Nancy og hlupu yfir henni til aðstoðar. Þegar Denzel Whiteside og William Long komu að húsinu mætti þeim sjón sem var eins og tekin beint úr hryllingsmynd. Hundarnir höfðu bitið í báða handleggi Nancy og drógu hana inn í húsið.
Með exi og kústskafti tókst þeim félögum að lemja hundana svo oft að þeir slepptu Nancy en það var um seinan. Annar handleggur hennar hafði verið bitinn af og hinn var í tætlum. Hún var strax flutt á sjúkrahús en læknum tókst ekki að bjarga lífi hennar.
Margir nágrannar hennar voru hræddir við hundana en þeir voru sagðir illa þjálfaðir og agaðir. Þeir hafa verið aflífaðir.
