Síðdegis í gær komu tveir menn inn í kirkju í Vínarborg í Austurríki. Þar réðust þeir á fimm munka og rændu þá. Munkarnir, sem allir eru vel við aldur, voru bundnir og beittir ofbeldi. Þeir voru síðan skildir eftir og fundust ekki fyrr en mörgum klukkustundum síðar en þó ekki fyrr en ofbeldismennirnir höfðu misþyrmt þeim klukkustundum saman.
Árásarmennirnir eru sagðir hafa krafið munkana um peninga. Einn munkanna er alvarlega slasaður eftir ofbeldið. Lögreglan hóf strax mikla leit að árásarmönnunum en hefur ekki enn tekist að hafa uppi á þeim. Lítið sem ekkert er vitað um hverjir þeir eru eða hvað lá að baki árásinni en lögreglan útilokar að málið tengist hryðjuverkastarfsemi.
