Tvær bandarískar herflugvélar hröpuðu seint í gærkvöldi að íslenskum tíma við strendur Japan. Vélarnar voru við æfingar þegar slysið varð. Sex manns er saknað og stendur leit yfir. Í tilkynningu frá Bandaríkjaher kemur fram að um F-18 orustuþotu og eldsneytisflugvél hafi verið að ræða.

Bandarískir fjölmiðlar segja að tveir hafi verið í F-18 vélinni en fimm í eldsneytisvélinni. Japanski herinn tilkynnti í nótt að einum áhafnarmeðlim hefði verið bjargað á lífi og verið sé að leita að hinum.

Vélarnar höfðu tekið á loft frá herstöð í Iwakuni í suðurhluta Japan en ekki liggur ljóst fyrir hvað fór úrskeiðis. Bandaríski herinn er með um 50.000 hermenn í Japan.