Það getur verið stressandi að ferðast og þurfa að fara í gegnum flugvelli þar sem mikið er af fólki og ýmislegt sem þarf að gera, fara í vopnaleit, sýna vegabréfið og sækja töskurnar sínar. Þegar þýskt par kom nýlega heim úr frí og var lent á flugvellinum í Stuttgart varð stressið líklegast aðeins of mikið, að minnsta kosti gleymdu þau 5 ára dóttur sinni á flugvellinum og fóru heim.

Stúlkan fannst ein á ráfi um flugstöðina og var strax komið til lögreglunnar. Svo vildi til að skömmu síðar hringdi áhyggjufull móðir í lögregluna og spurði hvort dóttir hennar hefði fundist á flugvellinum. New Yorkt Times skýrir frá þessu.

Samkvæmt frétt blaðsins sögðust foreldrarnir hafa ekið heim í sitt hvorum bílnum og hafi misskilningur þeirra á milli orðið til að stúlkan gleymdist.