Ferskt og sumarlegt maíssalat sem passar einstaklega vel með grillmatnum. Salatið smellpassar einnig á taco og vefjur og svo var ég með það í fertugs afmælinu mínu um daginn á grilluðu snittubrauði sem kom mjög vel út. Skemmtilegt og litríkt á veisluborðið.

Uppskriftin er frá Helgu Möggu fyrir Gott í matinn.

Innihald

1 skammtur

• 3 stk. ferskir maísstönglar (2-3 stk.)
• 50 g ostakubbur frá Gott í matinn
• 120 g sýrður rjómi 10% frá Gott í matinn
• 1 stk. rauð paprika (185 g)
• 1 stk. hvítlauksrif
• safi úr einni límónu ásamt berkinum
• ferskur kóríander eftir smekk
• 1 tsk. salt, pipar og chili

Aðferð

• Leggðu maísinn í volgt vatn í 10 mínútur.
• Grillið maísinn í 12-15 mínútur og snúið reglulega svo allar hliðar grillist.
• Leyfið maísinum að kólna og skerið svo af stilknum.
• Skerið ostakubb og papriku í litla bita.
• Pressið hvítlauksrifið og blandið svo öllu saman ásamt kóríander.

Næringargildi
Fyrir þau sem að telja macros fylgir skráning næringargilda með.
Næring í 100 g: Kolvetni: 9,7 g – Prótein: 3,8 g – Fita: 4 g – Trefjar: 1 g.
Þú finnur þessa skráningu í Myfitnesspal appinu með því að leita að: Helga Magga eða Maíssalat.