Leikkonan Helen Flanagan hefur látið hart í ljós andmæli sín í garð fyrrverandi unnusta síns, knattspyrnumannsins Scott Sinclair, og segir hann hafa skilið sig eftir í verulegum fjárhagserfiðleikum. Flanagan, sem er 35 ára gömul og þekktust fyrir hlutverk sitt í Coronation Street, segir sambandsslit þeirra hafa haft alvarleg áhrif á líf sitt.

Helen og Scott voru saman í 13 ár áður en þau slitu sambandinu árið 2022. Þau eiga saman þrjú börn, Matildu tíu ára, Delilah sjö ára og Charlie fjögurra ára. Nú hefur Helen greint frá því að hún hafi þurft að selja dýrar hönnunartöskur, þar á meðal Birkin-tösku, til að standa straum af yfirvofandi skattaskuldum. Hún segist jafnframt hafa þurft að yfirgefa fjölskylduheimili sitt sem metið var á um eina milljón punda.

Sinclair lék með Chelsea, Manchester City, Aston Villa og fleiri félögum á ferli sínum.

„Hann er algjör fáviti, en ég mun alltaf bera ást til hans,“ sagði Helen í viðtali við Mail, en bætti við að hún bæri mikla gremju í hans garð.

Hún lýsir síðustu árum sem „hreinni martröð“ og segir samband þeirra í dag vera mjög slæmt. Þau eigi vart samskipti nema í gegnum föður hennar.

Helen segist hafa þagað í meira en þrjú ár, en nú sé mælirinn fullur. Hún gagnrýndi Scott harðlega eftir að hann mætti ekki á jólasýningu sonar þeirra og sagðist ekki geta fyrirgefið honum að hafa tekið frá henni tíma með börnunum.

Vegna fjárhagsstöðu sinnar hefur Helen tekið að sér störf sem hún hefði annars ekki valið og viðurkennir að hún glími við mikla samviskubit yfir því að vera fjarri börnunum.

Að lokum sagði Helen að hún hefði litla stjórn á sölu hússins og að flutningur til London gæti hjálpað ferli hennar, en fjárhagslega yrði það mjög erfitt, þar sem hún treysti nú mikið á foreldra sína varðandi umönnun barnanna.